مين تيجي معايا نخس 10 كيلو ؟؟

عاملين ايه؟ يارب تكونوا بخير ياااااااااارب

وكل سنه وانتو بخير ورمضان كريم

ويارب يجعلها ايام سعاده وفرح عليكوا كلكوا

بصوا يابنات انا في غربه ومش بتحرك كتير وتخنت عن وزني 10 كيلو ونفسي اخسهم ان شاء الله


مين تبتدي معيا رجيم ونشجع بعض

بس تكون عايزه تخس فعلا وهتلتزم وتدخل علي طول وتشجعنا ماشي

بصوا اول حاجه هنعملها الفطار والعشا هيبقي خفيف هقولكوا مثال :

بيضه مثلا او زبادي قليل الدسم او جبنه قليله برده ومعاهم فاكهه او خضار

او سلطه فواكه بالزبادي او اومليت بيض في طاسه تيفال من غير زيت او فاكهه بس

الي انتي عايزاه ماشي

بلاش العيش في الفطار والعشا علشان نخس اسرع 

والغدا بقي هيكون ايه :

عندك فراخ مشويه او مسلوقه ومتحمره في الفرن او لحمه مشويه او مسلوقه برده

او سمك مشوي او في صنيه او تونه متصفيه من الزيت او 3 معالق فول او بيضين

اي حاجه من دول ومعاها سلطه وعيش سن 

وكمان لازم رياضه يابنات واحده واحده هنشجع بعض اكيد حتي لو ابتدينا ب10 دقايق مش مهم

المهم نكمل وانا هجبلكوا لينك موضوع رياضه تحفه بسيط وسهل جدا
واخر حاجه يابنات المشروبات الحارقه :

ممكن تشربي شاي اخضر وممكن مشروب الزنجبيل والقرفه وممكن كمان الليمون والكمون




اي حاجه من دول 3 مرات يوميا

مره علي الريق الصبح ومره قبل الاكل بنص ساعه ومره بعد الاكل

وفي كمان مشروب الاناناس بالكيوي حلو اوي برضه بس يتاخد بدل العشا


والمياه طبعا 8 اكواب كل يوم اقل حاجه

وان شاء الله كلنا نخس يااااااااااااااااارب

Posted in: صحة و جمال