افضل الحلول لاسنان بيضا و بتبرق وصحية على طول و ب 2 جنيه بس

اكيد المشكلة الازلية للغالبية العظمى من الناس هى الأسنان


وفى سبيل الحصول على اسنان  بيـضا ( المهم تكون بيضا والسلام يعنى ) باشوف بنات بتكتب وصفات خطيرة كدة وممكن تقضى على مستقبل الأسنـان تماما ،،،، منها وصفات بيكربونات الصوديوم والليمون ،، وكمان دعك الاسنان بشياء خشنة كالملح والرماد ( اللهم قد بلغت ،،،، الحاجات دى خطر جدا على الأسنـان )


وكمان المعاجين المبيضة للأسنان بتضعف مينا الأسنان ولو التغذية مش كويسة الأسنان هاتبوظ بردو وتسوس بسهولة وهايبقى شكلها مش صحى ابدا



والحل يا بنانيت ؟؟؟!!!!!!!!

الحل سهل وبسيط وانا جربت حاجات كتير "( معاجين اسنان مبيضة يعنى ) ،،، ومافيش غير الوسيلة دى اللى هاتبيض اسنانك وتشيل التصبغات وتقوى اسنانك وتمنع التسوس كمان ان شاء الله






وهى الســــــواااااااااك



روى البخاري و مسلم في صحيحيهما حديث أبي هريرة قال النبي صلى الله عليه و سلم: "‏لو لا أن أشق على أمتي لأمرتهم بالسواك عند (و في رواية: مع) كل صلاة".




ايوة السواك يا بنات وعن تجربة والله


هاقولك الطريقة ،،،، اغسلى سنانك عادى جدا بالفرشة مش اقل من مرتين فى اليوم ،،، وبعد ما تغسلى سنانك و تشطفيها ادعكيها تانى بالفرشة هاتلاقيها بتطلع بقايا المعجون واشطفيها تانى


وبعدين تكونى محضرة السواك ،،،،، واعملى بيه سنانك ،،، فى الاول هاتلاقى صعوبة فى الاستخدام علشان مش متعودة ،، وبعدين هاتلاقيه سهل جدا

طريقة الاستخدام 
فى اول ما تجيبيه كدة هاتعضي طرفه بضروسك هاتلاقيه بقا زى الفرشاة ،،،، اعملى بالفرشاة دى سنانك بقا ،،،،

وبجد لو ركزتى فى اعدة صفا كدة على سنة سنة هاتلاقى التصبغات والتلونات كلها اختفت ،،،،

ومع استخدام السواك هاتحسى كأنك بتغذى اسنانك فعلا وبتعمليلها ماسكات تغذية

غير ان السواك بيمنع التسوس تماما ان شاء الله ( واحنا عايزين ايه غير كدة ) وبيسيب طبقة على السنان و الفم تمنع تكون البكتريا

جربى وهاتشوفى بنفسك الفرق ان شاء الله


صحيح نسيت اقول حاجة

لازم كل يوم او يومين كدة تقصى الجزء اللى استخدمتيه من السواك ( الجزء اللى زى الفرشاة يعنى )

Posted in: صحة و جمال